احدى المآسي السورية: تأخرت عادتها الشهرية فتعرضت للجلد والتعذيب واتهمت بعفافها

احدى المآسي السورية: تأخرت عادتها الشهرية فتعرضت للجلد والتعذيب واتهمت بعفافهااحدى المآسي السورية: تأخرت عادتها الشهرية فتعرضت للجلد والتعذيب واتهمت بعفافها

  • خلود أحمد حدق (فيسبوك)

الوالدة الله يطول عمرها قابلة قانونية ، فكنا متعودين على تليفونات الليل و احيانا الحالات المفاجئة و الطارئة انو يندق الباب وجه الصبح .

باحد الليالي بيندق الباب بطريقة مخيفة ، بيفتح اخي الباب ، بتدخل سيدة بنعرفا من ريف حماة ، و معاها بنتا مغطية وجهها و عم ترجف ، بيدخلو على الغرفة و بيبقى شب واقف على الباب .



بعد شوي بنسمع صوت بكي و نواح من الغرفة ، و خناق شي ما حدا بيتخيلو ، بحاول ادخل لاني فزعت على الماما ، و فعلا دخلت ، بلاقي الام حاطة البنت تحتها و نازلة فيها و اصلا البنت وجهها كلو خراميش و دم و كدمات ، فكينا البنت و اخدتا على الغرفة التانية ، ماعرفت شو احكي لاني مصدومة بشكلا ، و هي عم تبكي ، حاولت هديا و هي ترجف ، شلحت عبايتها وورجتني جسما ، كلو أزرق ، كشفت عن ظهرها ، عليه جلدات نتيجة ضرب بالزنار ، شفايفا ورمانة و شعرها منتف ،

بعد ما هديت دخلت الماما و صار تسألها بناء على طلب اهلها ، عن عذريتا ، البنت شي تجاوب و شي تبكي و تقول و الله ماعملت شي ، اضطرت الماما تكشف عليها لتتأكد ، و فعلا تأكدت انو البنت عذراء ، طلعت ماما و خبرت اهلها انو البنت عذراء

الام هجمت بشراسة و قالتلا متاكدة ؟ انا بوثق بكلامك ، بس اذا في شي اخوها براة معاه الموس ، شختة و بتجي خالصة

طلعت القصة و مافيها ، انو اهل البنت اكتشفوا انها بتحب شب من الضيعة و بحسب عداد الام الغبية ، اكتشفت انو بنتا متأخرة عادتها الشهرية اسبوع و بدورها خبرت اخوا و ابوا ليعملولا اللازم و جابوا لعند الماما حتى يتاكدو
و بعد ما تاكدوا

وصفتلا الماما حب و طلعت القصة اختلاط هرموني و اضطراب من الحالة النفسية .

أيه هاد الحكي مو على زمان قطر الندى و اهل الراية ، هاد بزمان الجهل و التخلف يلي كنا عايشينو ، هاد بالقرن الواحد و العشرين يا سادة.

ايه و الله كنا عايشيناحدى المآسي السورية: تأخرت عادتها الشهرية فتعرضت للجلد والتعذيب واتهمت بعفافها

قد يعجبك ايضا